客人俊仔 之前都有興趣想去釣墨魚，有一次跟個friend去釣墨魚團，個晚原來有個比賽，邊個釣得多可以參加總決賽，呵呵，我都唔知自己好彩定係我英名神武，我居然釣得最多，於是便可以參加總決賽，咪免費釣多次，後來才知攪比賽係發達行，怪不得我會發達啦、哈哈… 到7月10日總決賽個日到西貢碼頭，嘩見到食神韜韜啊，原來發達行夠面子請到佢做評判，唔好講笑，哪哪臨同佢影返張合照先。比賽開始啦，努力、努力、釣到手都軟，唉! 比個女人贏左，叫佢做「釣墨魚皇后」。不過最開心係同韜韜影左相，佢重教點樣煮墨魚，總之今晚大豐收，好Happy。

客人輝哥 夏熱天時, 遊船河是最適合不過的, 跟朋友一行30多人，係發達行包船玩「狂野任玩派對」。當日天氣好正，陽光普照，我地玩香蕉船，勁刺激，大家都玩到忘曬形。之後更在遊艇上層齊齊曬太陽，享受陽光浴，好寫意。一大班朋友都好盡興，仲計劃下次出海的日期呀。

客人 Angel Cheung 成班朋友好想去旅行，但又冇咩idea,，而朋友話佢睇過雜誌推介大熱的<東部華僑城>。決定搵日去d旅行社睇下有咩出外既旅行團。其實我自己本身對國內團都冇乜興趣架。但朋友好想去，而且佢話保證我地會好開心, 咁就上左去發達行報名二日一夜團。短短兩天, 我地玩到筋疲力盡, 好開心! 哩個就係大俠谷呀, 哩個大瀑布d水好清好靚呀, 我緊係唔執輸啦, 影左好多相留念! 哈哈。其實國內既景色真係好靚架, 我見有好多女仔都不停影相, 我諗影寫真一定一流。 我地仲去左觀景臺呀, 係由高空度欣賞咁宏偉既景色, 大家可以行出去架, 而個地係用玻璃造!!!…我當時太驚><, 都冇留意到d風景。 唔止當時錯過左呀, 當日仲有得搭吊車架, 但我又係太驚, 所以冇欣賞到周圍的風景呢..….朋友都話我蝕曬呀><…自由時間, 我地到茶溪谷玩, 個度有好多擺設可以影相架, 而且周圍既建築物真係好靚好有feel! 我地好唔捨得走呀! 仲不停睇相回味。可能我地掛住影相, 唔夠時間玩曬咁多野呀! 希望下次會有更多時間去玩啦!